Ringo Starr verður á tónleikunum í kvöld

Bítillinn Ringo Starr verður viðstaddur tónleikana til heiðurs John Lennon í kvöld. Að sögn Sif Gunnarsdóttur hjá Höfuðborgarstofu á bítillinn miða á tónleikana. Ekki er ljóst hvenær hann kemur til landsins en tónleikarnir hefjast um níu í kvöld.

Mikið tilstand hefur verið í dag til þess að minnast friðarbítilsins en Yoko Ono er hér á ásamt syni sínum, Sean Lennon. Hún veitti viðurkenningar í tilefni friðarverðlaun.

Hljómsveitin Plastic Ono Band stígur svo á stokk í Háskólabíói í kvöld. Yoko Ono heldur upp á sjötugsafmæli eiginmanns síns til þess að efla friðarstarf um allan heim að eigin sögn.