Allt skorið niður utan lögbundinnar þjónustu

Gríðarlegur niðurskurður blasir við á félagsmálasviði Reykjanesbæjar á komandi ári. Félagsmálastjóri bæjarfélagsins kynnti í morgun frumhugmyndir að niðurskurði á sviðinu og hafa þær verið sendar til fjármálastjóra bæjarins.

„Í þeim hefur verið skorið niður allt sem mögulegt er utan lögbundinnar þjónustu, en í þeim liðum er áætlunin nokkuð raunhæf m.v. þær forsendur sem fyrir liggja í dag," segir í fundargerð fjölskyldu- og félagsmálaráðs Reykjanesbæjar frá því í morgun.

Ráðið vll af þessu tilefni koma á framfæri áhyggjum af niðurskurðinum.