Meints barnaníðings leitað

Karlmanns, sem grunaður er um að hafa sýnt barni ósæmilega kynferðislega hegðun, er leitað þessa stundina í Laugardalshverfinu í Reykjavik.

Hans er einkum leitað í kringum svæðið þar sem Fimleikadeild Ármanns og Knattspyrnufélagið Þróttur eru með aðsetur. Sjónarvottur sagði við fréttastofu Stöðvar 2 og Vísis að hið minnsta fjórir lögreglubílar væru á staðnum.

Samkvæmt heimildum Vísis er maðurinn grunaður um að hafa brotið gegn að minnsta kosti einu barni í kvöld en ekki liggur fyrir hvers eðlis brotið er. Frekari upplýsingar hafa ekki fengist um málið.