Hátíðargestur bitinn til blóðs

Maður var bitinn til blóðs á veitingastaðnum í Kántrý­bæ um helgina og var fluttur á sjúkrahúsið á Blönduósi til aðhlynningar. Þetta var eitt af þeim málum sem komu upp á Kántrýhátíð á Skagaströnd um helgina, þar sem nokkuð var um pústra manna á milli, samkvæmt upplýsingum frá lögreglunni á Blönduósi.

Fullt var á tjaldstæðinu á Skagaströnd og mikið um að vera. Í gærmorgun voru allir bílar á leið úr bænum stöðvaðir og réttindi og ástand ökumanna yfirfarið. Nokkrir réttindalausir voru teknir, enginn fyrir ölvun en sumir reyndust rétt undir áfengismörkum og voru látnir bíða með að leggja af stað.

- hhs