Danir brutu lög

Danir hafa brotið lög með því að vísa úr landi norrænum ríkisborgurum. Þetta er niðurstaða lögfræðinga sem Norðurlandaráð fékk til að meta réttmæti aðgerða Dana.

Kirsten Ketscher, prófessor í lögfræði við Hafnarháskóla, segir að brottvísun norrænna borgara frá Danmörku af þeirri ástæðu einni að þeir hafi þegið félagsaðstoð, sé réttarfarslega vafasöm og brot á fyrirliggjandi sáttmálum. Slík brottvísun norrænna borgara samræmist ekki norrænum sáttmálum og tilskipun ESB um dvalarrétt, eftir því sem fram kemur á Norden.org.

Fjölda fólks hefur verið vísað frá Danmörku á liðnum mánuðum á þeirri forsendu að þeir þáðu framfærslustyrk frá hinu opinbera. Nokkrir Íslendingar eru í hópi þessa fólks.