Herþota lenti í þotugildru á Keflavíkurflugvelli

Bandarísk F-15 herþota, sem sinnir loftrýmisgæslu við Ísland, lenti heilu og höldnu á Keflavíkurflugvelli í dag eftir að viðbúnaður hafði verið settur í gang vegna bilunar um borð í vélinni. Einn maður var um borð og vélin var um 5000 pund af eldsneyti, eftir því sem fram kemur á vef Víkurfrétta.

Friðþór Eydal, upplýsingafulltrúi hjá Flugmálastjórn, segir í samtali við Vísi að engin hætta hafi verið á ferðum þarna. Þotan hafi lent með bilun í bremsu og lent í þotugildru sem er öryggistæki fyrir orustuþotur eins og eru á flugmóðuskipum.

Þotugildra er einskonar vír sem strengdur er þvert yfir flugbrautina til að draga skjótt úr hraða vélarinnar.