Bað Sigrúnu Pálínu forláts

Hjálmar Jónsson, prestur í Dómkirkjunni í Reykjavík, vék að máli Sigrúnar Pálínu Ingvarsdóttur í prédikun sinni í gær. Bað Hjálmar hana fyrirgefningar á því að hafa brugðist henni.

Eins og altalað er leitaði Sigrún Pálína til séra Hjálmars árið 1996 og sagði Ólaf Skúlason hafa leitað á sig. Hún hefur gagnrýnt Hjálmar og Karl Sigurbjörnsson biskup harkalega fyrir að hafa reynt að þagga málið niður.

Séra Hjálmar sagði í gær að hann hefði ekki veitt henni þá hjálp sem hún leitaði að. „Það sem ég gerði var ekki nóg. Fyrir það bið ég hana fyrirgefningar." - shá