Amnesty hvetur Kínverja til að sleppa samviskuföngum

Amnesty International hvetur kínversk stjórnvöld til að leysa alla samviskufanga í landinu úr haldi, þeirra á meðal baráttumanninn Liu Xiaobo sem fékk friðarverðlaun Nóbels í morgun.

„Liu Xiaobo, sem er 54 ára fræðimaður, fékk verðlaunin fyrir framúrskarandi starf í þágu mannréttinda," segir í yfirlýsingu frá Amnesty. „Hann afplánar nú 11 ára fangelsi í kjölfar óréttlátra réttarhalda fyrir að „hvetja til undirróðurs gegn ríkisvaldinu". Liu Xiaobo hefur staðið framarlega í flokki þeirra er gagnrýnt hafa kínversk stjórnvöld og kallað eftir mannréttindavernd og lýðræðisumbótum í Kína."

Samtökin segja að Liu Xiaobo sé verðugur handhafi friðarverðlauna Nóbels „og vona má að verðlaunin beini athygli að baráttunni fyrir grundvallarmannréttindum og mannréttindavernd í landinu sem Liu Xiaobo og margt annað baráttufólk í Kína vinnur að."

Eykur alþjóðlegan þrýsting

Þá segir að verðlaunin muni þá og því aðeins hafa raunverulegt gildi ef þau verða til að auka alþjóðlegan þrýsting á Kína að leysa Liu Xiaobo og aðra samviskufanga úr haldi, sem sitja í fangelsi fyrir það eitt að nýta sér tjáningarfrelsi sitt.

Amnesty International hvetur kínversk stjórnvöld til að leysa alla samviskufanga í landinu úr haldi, þeirra á meðal baráttumanninn Liu Xiaobo sem fékk friðarverðlaun Nóbels í morgun.

„Liu Xiaobo, sem er 54 ára fræðimaður, fékk verðlaunin fyrir framúrskarandi starf í þágu mannréttinda," segir í yfirlýsingu frá Amnesty. „Hann afplánar nú 11 ára fangelsi í kjölfar óréttlátra réttarhalda fyrir að „hvetja til undirróðurs gegn ríkisvaldinu". Liu Xiaobo hefur staðið framarlega í flokki þeirra er gagnrýnt hafa kínversk stjórnvöld og kallað eftir mannréttindavernd og lýðræðisumbótum í Kína."

Samtökin segja að Liu Xiaobo sé verðugur handhafi friðarverðlauna Nóbels „og vona má að verðlaunin beini athygli að baráttunni fyrir grundvallarmannréttindum og mannréttindavernd í landinu sem Liu Xiaobo og margt annað baráttufólk í Kína vinnur að."

Þá segir að verðlaunin muni þá og því aðeins hafa raunverulegt gildi ef þau verða til að auka alþjóðlegan þrýsting á Kína að leysa Liu Xiaobo og aðra samviskufanga úr haldi, sem sitja í fangelsi fyrir það eitt að nýta sér tjáningarfrelsi sitt.

Einn höfunda Charter 08

„Liu Xiaobo er einn höfunda Charter 08 yfirlýsingarinnar, sem hvetur til lagalegra og pólitískra umbóta í Kína svo að landið verði lýðræðisríki sem virðir mannréttindi. Upphaflega undirrituðu um 300 kínverskir fræðimenn, lögfræðingar og embættismenn yfirlýsinguna sem átti að birtast á alþjóðlega mannréttindadaginn, þann 10. desember 2008. Liu Xiaobo var handtekinn þann 8. desember 2008 og yfirlýsingin birtist á netinu næsta dag. Síðan þá hafa margir þeirra sem upphaflega undirrituðu yfirlýsinguna sætt áreitni kínverskra yfirvalda. Um 12.000 manns hafa nú undirritað yfirlýsinguna á netinu," segir ennfremur.

„Amnesty International hefur barist fyrir lausn hans, ásamt lausn annars baráttufólks sem skrifaði undir Charter 08, þeirra á meðal Liu Xianbin, sem var handtekinn í júní. Nokkrir þeirra sem skrifuðu undir yfirlýsinguna hafa beðið um að fá að deila ábyrgðinni með Liu Xiaobo og hópur háttsettra félaga í Kommúnistaflokknum hafa dregið í efa lögmæti dómsins yfir honum."