Askan breyttist í gler og flagnaði af hreyflunum

Nýsköpunarmiðstöð Íslands kynnti í dag niðurstöðu rannsóknar um áhrif eldfjallaösku úr Eyjafjallajökli á þotuhreyfla.

Teymi sérfræðinga frá NMÍ, HÍ, HR og stálsmiðjunni Málmey kom að rannsókninni auk tveggja flugvirkja. Einnig safnaði Ólafur Eggertsson bóndi á Þorvaldseyri ösku fyrir rannsóknarteymið.

100 þúsund flugferðir voru lagðar niður um allan heim í apríl síðastliðnum og hafði það gríðarleg áhrif á líf tugmilljóna manna. Þetta er fyrsta staðprófunin á áhrifum gosöskunnar sem gerð er í heiminum og fæst með henni aukin þekking á áhrifum gosösku á þotuhreyfla.