Innlent

Þekking afritaði víst gögn Símans í umdeildri húsleit

Sævar Freyr Þráinsson, forstjóri Símans, er afar ósáttur við Samkeppniseftirlitið.
Sævar Freyr Þráinsson, forstjóri Símans, er afar ósáttur við Samkeppniseftirlitið.

Síminn segir að símafyrirtækið Þekking hafi víst afritað upplýsingar hjá Símanum í húsleit sem Samkeppniseftirlitið framkvæmdi í höfuðstöðvum Símans og Skipta á dögunum.

Í tilkynningu frá Símanum í gær kom fram að fyrirtækið væri búið að stefna Samkeppniseftirlitinu fyrir héraðsdóm vegna þess að þeir nýttu sér starfskrafta Þekkingar til þess að afrita gögnin. Þekking á í samkeppni við Símann á farsímamarkaði og því þótti Símanum það skjóta skökku við að samkeppnisaðili aðstoðaði við leitina.

Forstjóri Samkeppniseftirlitsins, Páll Gunnar Pálsson, neitaði þessu í gær í fjölmiðlum og sagði málið byggt á misskilningi.

Samkvæmt tilkynningu Símans þá liggja tugir svokallaðra haldlagningarskráa fyrir, þar af eru fjölmargar undirritaðar af starfsfólki Þekkingar.

„Starfsmenn Þekkingar tóku því fullan þátt í framkvæmd haldlagningarinnar, sáu um afritun gagna og undirrituðu að henni lokinni með eigin hendi meirihluta haldlagningarskráa. Dæmi voru um að starfsmenn Þekkingar opnuðu skrárnar og lögðu sjálfstætt mat á efni þeirra, án þess að starfsmenn Samkeppniseftirlitsins væru nærri," segir svo í tilkynningunni.

Síminn lýsir því miklum vonbrigðum með vinnubrögð Samkeppniseftirlitsins við rannsóknina og viðbrögð við kæru fyrirtækisins.


Tengdar fréttir

Forstjóri Símans segir starfsfólki brugðið vegna húsleitar

„Okkur er töluvert brugðið,“ segir Sævar Þráinsson, forstjóri Símans, en Samkeppniseftirlitið er nú í höfuðstöðvum Símans í Ármúlanum og framkvæmir þar húsleit vegna gruns um mögulega misnotkun Símans á markaðsráðandi stöðu á farsímamarkaði.

Samkeppniseftirlitið segir Símann á villigötum

Samkeppniseftirlitið segir málatilbúnað Símans ekki eiga við rök að styðjast en Síminn hefur stefnt Samkeppniseftirlitinu vegna húsleitar sem framkvæmd var á dögunum. Síminn krefst þess að öllum gögnum sem aflað var verði eytt í ljósi þess að starfsmenn samkeppnisaðila hafi annast afritatökuna.

Húsleit hjá Símanum - Nova kvartaði

Samkeppniseftirlitið gerði í morgun húsleit hjá Skiptum og Símanum vegna gruns um brot á Samkeppnislögum og stendur hún yfir samkvæmt tilkynningu frá Símanum.

Síminn stefnir Samkeppniseftirlitinu vegna húsleitar

Síminn hf. sakar símafyrirtækið Þekkingu, sem á í samkeppni við Símann á upplýsingatæknimarkaði, um að hafa afritað tölvugögn Símans og Skipta við húsleit sem Samkeppniseftirlitið framkvæmdi í síðustu viku. Þar á Þekking að hafa starfað sem undirverktaki.

Mest lesið


Fleiri fréttir

Sjá meira


×

Mest lesið