Innlent

Bóndi skaut birnuna og varð steinhissa

Hvítabjörn í Þistilfirði. Mynd/Hilma Steinsdóttir
Hvítabjörn í Þistilfirði. Mynd/Hilma Steinsdóttir

Það var bóndi nærri Óslandi í Þistilfirði sem skaut hvítabjörninn í gær en hann hafði enga hugmynd um að ísbjörn væri í sveitinni. Lögreglan í Þórshöfn hafði áður hringt í alla bændur á því sem svæði sem birnan var. Aftur á móti náðist ekki í tvo bændur, sá sem felldi birnuna var annar þeirra.

Hann var að með sauðfé nærri Óslandi þegar dýrin trylltust skyndilega. Skýringin kom fljótlega þegar Birnan kom aðvífandi. Sjálfur var bóndinn vopnaður veiðiriffli. Hann skaut birnuna tvisvar sinnum og felldi hana í öðru skotinu.

Þrjár skyttur eltu dýrið auk Jóns Stefánssonar, lögreglumanns á Þórshöfn. Þegar þeir komu á vettvang var birnan dauð.

Aðspurður hvort bóndinn hafi ekki orðið steinhissa á því að hafa fellt ísbjörn í sveitinni svarar Jón einfaldlega: „Þú getur rétt ímyndað þér."

Hræ birnunnar var fært til sýnatöku en verður svo stoppuð upp.

Landhelgisgæslan var með eftirlitsflug yfir svæðinu í dag vegna gruns um að annað bjarnadýr gæti verið á sveimi. Ekkert fannst og er leit lokið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.