David er sálufélagi minn - myndir

Framhjáhaldsásakanir bandaríska blaðsins In Touch á David Beckham hafa vakið heimsathygli. Hann hefur mætt blaðinu af fullri hörku með því að höfða meiðyrðamál á hendur blaðsins.

David ætlar ekki halda nokkru eftir af þeim sextán milljónum punda sem hann fer fram á af vændiskonunni Irmu Nici og umræddu blaði í skaðabótamáli.

Þrátt fyrir framhjáhaldsásakanirnar dáist Victoria, sem hefur verið gift David í ellefu ár, að honum í fjölmiðlum. Þau hafa aldrei verið nánari en einmitt núna segir Victoria sem getur ekki hætt að dást að manninum sínum sem er sálufélagi hennar og besti vinur.

„Hann lítur aldrei illa út á morgnana og það er ekki gramm af fitu utan á honum," lét Victoria hafa eftir sér.

„David kom úr sturtunni um daginn og ég stóð bara og starði á manninn minn þurrka sér. Hann var brúnn, með öll þessi húðflúr sem ég elska og hárið var ekki til haft. Þessi náttúrulega fegurð hans er ómótstæðileg. Hann lítur alltaf óaðfinnanlega vel út," sagði Victoria.

„Ég lít í augun hans og hugsa með mér: Er ég raunverulega gift draumaprinsinum mínum? Við erum ekki einungis gott par og vinir heldur erum við sálufélagar."

Á meðfylgjandi myndum má sjá Victoriu á ferðinni undanfarna daga.