Ólafur Skúlason hlaut fálkaorðuna fjórum sinnum

Ólafur Skúlason, fyrrverandi biskup Íslands, hlaut fálkaorðuna fjórum sinnum á meðan að hann lifði. Orðustigin sem forseti Íslands veitir eru fimm og hlaut Ólafur þau öll nema æðsta stigið sem er keðja ásamt stórkrossstjörnu.

Erla Hlynsdóttir blaðamaður bendir á það á bloggi sínu að Ólafur fékk fyrstu orðu sína þegar að hann var dómsprófastur í Reykjavík árið 1982. Síðustu orðu sína fékk hann svo þegar að hann var biskup árið 1992. Þessar upplýsingar koma einnig fram á vef Forseta Íslands.

Ólafur Skúlason dómsprófastur fékk riddarakross árið 1982

Ólafur Skúlason vígslubiskup fékk stórriddarakross árið 1987

Ólafur Skúlason biskup fékk stórriddarakross með stjörnu árið 1990

Ólafur Skúlason biskup fékk stórkross árið 1992

Í forsetabréfi um fálkaorðuna kemur fram að orðunni megi sæma innlenda einstaklinga eða erlenda fyrir vel unnin störf í þágu þjóðarinnar, einstakra þjóðfélagshópa eða landshluta, eða í þágu mikilvægra og góðra málefna á Íslandi eða á alþjóðavettvang.