Nýjar vísbendingar um tengsl mígrenis og hjartaáfalla

Fólk á miðjum aldri sem þjáist af mígrenihöfuðverkjum ásamt undanförum þeirra, sem geta verið sjóntruflanir, svimi og dofi, deyja frekar vegna hjarta og æðarsjúkdóma en þeir sem ekki þjást af slíkum höfuðverk. Einstaklingar með mígreni án slíkra undanfara reynast hins vegar ekki í aukinni hættu. Þetta sýna niðurstöður rannsóknar á vegum Hjartaverndar, sem unnin er í samvinnu við Háskóla Íslands, National Institute of Aging og Uniformed Services University og Health Sciences í Bandaríkjunum.

Í fréttatilkynningu frá Hjartavernd segir að þetta sé í fyrsta sinn sem niðurstöður hóprannsóknar með langtíma eftirfylgni sýni fram á þessi tengsl. Jafnframt styðja niðurstöðurnar nýlegar rannsóknir sem benda til tengsla milli mígrenis og þá sérstaklega mígrenis með fyrrnefndum undanförum og aukinna dánarlíkna vegna hjartasjúkdóma.

Þessar auknu dánarlíkur eru þó umtalsvert minni en áhættan sem fylgir mikilvægustu áhættuþáttum hjarta og æðasjúkdóma eins og háþrýstingi, hækkuðum blóðfitum og reykingum.