Tveir í haldi grunaðir um úraþjófnað

Tveir menn eru í haldi lögreglu grunaðir um ránið í skartgripaversluninni Leonard. Annar var handtekinn í gær en hinn í morgun. Annar er á tvítugsaldrinum en hinn á þrítugsaldrinum. Þeir verða yfirheyrðir í dag. Verknaðurinn náðist á eftirlitsmyndavélar sem eru í versluninni.

Tveir þjófar fóru inn í verslunina, sem er í Kringlunni, upp úr hádegi í gær og spenntu upp skáp með dýrmætum úrum.

Þjófarnir gripu 6 úr og hlupu svo í burtu. Starfsmenn öryggisgæslunnar og starfsmenn eltu þjófana en misstu af þeim fyrir utan Kringluna.

Talið er að verðmæti úranna sé um fimm milljónir króna.