Ómar Ragnarsson: Orðlaus, hrærður og þakklátur

„Ég virðist hafa vitað minnst allra um einhvert óvæntasta atvik, sem mig hefur hent á lífsleiðinni, og kem af fjöllum í bókstaflegri merkingu," segir Ómar Ragnarsson á heimasíðu sinni.

Friðrik Weisshappel athafnamaður stofnaði á hádegi í gær Facebook síðu þar sem hann hvatti fólk til þess að gefa Ómari þúsund krónur í afmælisgjöf. Ómar lýsti því í viðtali við DV í gær að hann skuldaði fimm milljónir vegna kvikmynda um náttúru Íslands.

Hann segist svo hafa rekist á frétt um málið „sem gerir mig orðlausan, hrærðan og þakklátan yfir þessari óvæntu uppákomu."

Hann vitnar svo í stórmennið Winston Churchill. „Get ekkert sagt annað en að nú geta hjólin farið að snúast í verkefnum mínum og ég gríp til orða Churchills sem hann sendi Roosevelt í stríðinu: "Give me the tools and I will finish the job".Það mun ég reyna að gera með innilegu þakklæti til þeirra sem vilja leggjast með mér á árarnar," segir Ómar að lokum.

Hægt er að leggja inn á reikning Ómars sem hefur verið stofnaður en reikningsnúmerið er 0130 26 160940 og kennitala 160940 4929.

Hægt er að skoða Facebook síðuna hér.