Viðbrögð við myndbandinu hafa fram úr björtustu vonum

Viðbrögð við kynningarátakinu Inspired by Iceland hafa fram úr björtustu vonum. Alls hafa myndböndin verið spiluð 340 þúsund sinnum á vefnum og skilaboðin hafa náð til tveggja milljón notenda á Twitter.

Af þeim 340 þúsund sem hafa spilað myndbandið á netinu eru 215 þúsund í útlöndum. Aðalmyndbandið hefur verið spilað 178 þúsund sinnum, þar af 120 þúsund sinnum utan landsteinanna. Alls eru myndböndin 113, langflest af erlendum ferðamönnum hér á landi. Þá hafa samfélagsvefirnir tekið vel við sér, en verkefnið hefur náð til rúmlega tveggja milljón manna á Twitter.

Fyrir utan aðalmyndbandið vekur myndband Rene Redzepi, kokkssins á verðalaunaveitingastaðnum Noma í Kaupmannahöfn, mesta athygli. 30 þúsund manns hafa horft á hans myndbrot.

Hápunktur átaksins hefst klukkan eitt í dag þegar allir Íslendingar eru hvattir til að taka þátt með því að senda myndband til vina og kunningja í útlöndum.

Heimasíða átaksins og myndbandið skemmtilega