Gáfu 100 hamborgarhryggi til hjálparstarfs

„Við tökum ofan fyrir því fólki sem hefur staðið að óeigingjörnu hjálparstarfi í áravís og viljum leggja málefninu lið. Það er því miður ekki vanþörf á" sögðu hjónin Margrét Beta Gunnarsdóttir og Benedikt Eyjólfsson, eigendur Bílabúðar Benna, við afhendingu á 100 hamborgarhryggjum til sameiginlegrar jólaaðstoðar Mæðrastyrksnefndar Reykjavíkur, Hjálparstarfs kirkjunnar og Reykjavíkurdeildar RKÍ, nú í vikunni.

Í stað þess að senda viðskiptavinum sínum jólagjafir hefur Bílabúð Benna ákveðið að endurtaka leikinn frá í fyrra og gefa 100 Ali hamborgarhryggi, til fjölskyldna og einstaklinga, sem eru í neyð og þurfa á aðstoð að halda yfir hátíðarnar.

Benedikt vonast til að framtakið hreyfi við öðrum og hvetur önnur fyrirtæki til að styðja við hjálparstarf nú fyrir jólin.