Fær ekki stuðning þrátt fyrir að hafa misst nær alla sjón og heyrn

Hvorki Akureyrarbær né Tryggingastofnun sjá ástæða til að styrkja fjölskyldu 15 ára drengs í hjólastól, sem hefur misst nær alla sjón og heyrn, til að breyta heimilinu þannig að drengurinn geti búið með fjölskyldu sinni.

Fyrir 15 árum fæddist lítill drengur á Akureyri og var gefið nafnið Tryggvi Jón. Hann var heilbrigður og sterklegur og lífið virtist ætla brosa við honum. Þegar hann var um níu ára kom í ljós að töluð orð virtust ekki skila sér nægilega vel til hans. Eða eins og hann sagði sjálfur ,,ég heyri orðin en ég skil þau ekki."

Síðan þá hefur hvert áfallið á fætur öðru dunið yfir drenginn og fjölskyldu hans. Hann er nú blindur, heyrnarlaus og frá því í ágúst hefur hann þurft að vera í hjólastól. Ekki er vitað hvaða sjúkdómur hrjáir hann.

Til að komast um dyr í húsinu verður hann að notast við hjólastól sem er of lítill fyrir hann og hann hefur ekki getað komist í bað á heimili sínu frá því hann hætti að geta gengið. Því þarf að ráðst í kostnaðarsamar breytingar til að hann geti áfram búið heima hjá sér.

Hvorki heimabær hans Akureyri né Tryggingastofnun vill styrkja fjölskylduna við framkvæmdirnar. Ásta Reynisdóttir, móðir Tryggva Jóns, segir að fólk eigi að fá að búa á heimilum sínum. Málið snúist um mannréttindi enda sé Tryggvi Jón barn samkvæmt lögum.

Akureyrarbær hefur boðið fjölskyldunni að fá íbúð á fimmtu hæð í blokk. Móðir hans segir þá hugmyndi mjög harðneskjulega, þá íbúð þekki Tryggvi Jón ekki og ekki umhverfið í kring. Þá verði hann einnig að skilja við besta vin sinn hundinn Gutta sem ekki fengi að fylgja fjölskyldunni í blokkina.

Fjallað verður nánar um málið í Íslandi í dag.

Þeir sem vilja styrkja Tryggva Jón og fjölskyldu hans er bent á eftirfarandi reikning sem er í nafni hans:

kt. 150895-2869

0162-15-383629

Styrktarsíða Tryggva Jóns á samskiptavefnum Facebook.