Opinn fundur í Háskóla Íslands um dóm Hæstaréttar

Lagastofnun og Orator, félag laganema við Háskóla Íslands, standa fyrir opnum fundi í dag um dóm Hæstaréttar um vexti af gengistryggðum lánum. Fundurinn hefst klukkan tólf í Hátíðarsal háskólans.

„Óvissa hefur verið um vaxtakjör, frá því Hæstiréttur kvað upp dóma sína um ólögmæti gengisbindingar bílalána. Nú hefur verið skorið úr þeirri réttaróvissu. Hvaða þýðingu hefur dómurinn og hvert er fordæmisgildi hans varðandi aðra lánasamninga? Að hvaða marki getur löggjafinn látið sig varða réttarágreining um gengistryggð lán?," segir í tilkynningu um fundinn.

Framsögumenn verða Eyvindur G. Gunnarsson, lektor við Lagadeild Háskóla Íslands, og Benedikt Bogason, dósent við Lagadeild Háskóla Íslands.

Fundarstjóri verður Róbert R. Spanó, prófessor og deildarforseti Lagadeildar Háskóla Íslands