Innlent

Fimmtu vélinni bætt við

Icelandair hefur bætt við fimmta fluginu til Þrándheims. Iceland Express flýgur þangað einnig í dag.
Icelandair hefur bætt við fimmta fluginu til Þrándheims. Iceland Express flýgur þangað einnig í dag. Mynd/Teitur Jónasson
Vegna mikillar eftirspurnar hefur Icelandair ákveðið að bæta við fimmtu ferðinni til Þrándheims í Noregi. Félagið tilkynnti í morgun um tvær ferðir til Noregs og fylltust þær strax. Í framhaldinu var ákveðið að fjölga þeim um tvær og nú síðast var fimmtu vélinni bætt við. Fyrsta flugið er núna klukkan eitt.

Fjórar flugvélanna koma til baka í dag en ein verður eftir í Þrándheimi og kemur til baka á morgun. Þannig gefst fólki víðsvegar um Norðurlöndin tími til að komast til Noregs og ná þannig flugi til Íslands.

Þá flýgur Iceland Express til Þrándheims klukkan 15:30 í dag.


Tengdar fréttir

Icelandair flýgur til Þrándheims í dag

Iclelandair hefur fengið heimild til flugs til Þrándheims í Noregi og efnir Icelandair til tveggja aukafluga þangað. Brottför fyrra flugsins er kl. 13 og brottför seinna flugsins er klukkustund síðar. Brottför frá Þrándheimi til Íslands verður síðan klukkan 18:50 og 19:50 að staðartíma.

Iceland Express flýgur einnig til Þrándheims

Iceland Epress flýgur til Þrándheims klukkan 15:30 í dag. Þetta flug hentar einkum þeim, sem áttu bókað með félaginu til Kaupmannahafnar, en tvær vélar áttu að fara þangað í dag. Þá hefur tveimur flugum til London verið aflýst. Fyrr í morgun var greint frá því að Icelandair hyggst einnig fljúga til Þrándheims.

Icelandair fjölgar flugum til Þrándheims

Vegna mikillar eftirspurnar hefur Icelandair ákveðið að efna til fjögurra aukafluga í dag til Þrándheims í Noregi. Áður hafði verið tilkynnt að farin yrðu tvö flug. Fyrsta flugið er klukkan 13, tvær flugvélar fara klukkan 14 og fjórða flugið er klukkan 15.

Mest lesið


Fleiri fréttir

Sjá meira


×

Mest lesið