Rjúpnaskytta látin á Vestfjörðum

Rjúpnaskytta sem saknað var á Vestfjörðum á föstudag fannst látinn sama dag. Maðurinn var við veiðar á hálendinu, ofan Gufudals, í Austur-Barðastrandarsýslu.

Björgunarsveitir voru kallaðar út á föstudag um klukkan 17.05. Maðurinn fannst látinn um hálftíma síðar.

Veiðifélagi mannsins og bóndi á næsta bæ sem fundu manninn skömmu áður en björgunarsveitarmenn komu á vettvang.

Rannsóknarlögreglumaður á Vestfjörðum fór á vettvang til rannsóknarvinnu. Tildrög andlátsins eru til rannsóknar hjá lögreglu. Allt virðist þó benda til þess að maðurinn hafi látist af völdum skyndilegra veikinda.