Innlent

Friðargæsluliðar tryggja öryggi Íslendinganna

26 liðsmenn íslensku sveitarinnar eru á leið til Léogane, sem er um 40 kílómetra vestan við Port au Prince. Mynd/Slysavarnafélagið Landsbjörg
26 liðsmenn íslensku sveitarinnar eru á leið til Léogane, sem er um 40 kílómetra vestan við Port au Prince. Mynd/Slysavarnafélagið Landsbjörg

26 liðsmenn íslensku alþjóðabjörgunarsveitarinnar eru á leið til borgarinnar Léogane, sem er um 40 kílómetra vestan við höfuðborgina Port au Prince, á Haítí. Friðargæsluliðar frá Sameinuðu þjóðunum munu fylgja hópnum og tryggja öryggi hans.

Íslendingarnir fara með breskri björgunarsveit og sveit frá Katar til Léogane en rúmlega 100 manns er í hópnum sem er útbúinn til að dvelja í borginni í tvo sólarhringa.

Sveitin verður sú fyrsta af alþjóðlegu björgunarliði sem kemur til Léogane sem er 134 þúsund manna borg og er staðsett við upptök jarðskjálftans sem varð á þriðjudag. Er talið að ástandið þar sé afar slæmt og að allt að 80 til 90 % bygginga séu hrundar. Ekkert alþjóðlegt hjálparlið hefur enn farið á staðinn. Eftirlifandi íbúar hafa flúið á sykurreyrsakra í grenndinni og tugþúsundir hafast við á opnum svæðum, kirkjugörðum, leikvöllum skóla og markaðstorgum.

Mikið um steinsteypt hús í borginni og því líkur á að þar geti verið að finna fólk á lífi í rústum, að fram kemur í tilkynningu frá Slysavarnafélaginu Landsbjörg.




Tengdar fréttir

Tveimur stúlkum bjargað

Hillary Clinton, utanríkisráðherra Bandaríkjanna, kom til Haítí í gær og ræddi við René Preval, forseta landsins, um aðgerðir til hjálpar þeim sem illa urðu úti úr jarðskjálftanum á þriðjudaginn. Að fundi loknum sagði Clinton við fréttamenn að Bandaríkjastjórn myndi vera til staðar og gera hvað hún gæti til að koma landinu til hjálpar. Hún sagði að Haíti myndi standa sterkara að þessum harmleik loknum.

Bróðir Eldu á lífi

Elda Þórisson Faurelien, sem kom hingað til lands frá Haííti fyrir fjórum árum, hefur fengið jákvæðar fréttir af fjölskyldu sinni. „Arnold bróðir Eldu, sonur hans og tvær frænkur eru á lífi. Önnur frænkan er slösuð en aðrir eru ómeiddir,“ segir Methúsalem Þórisson eiginmaður hennar.

Ástandið verra í grennd við Port au Prince

Upplýsingar um ástand mála í bæjum og borgum í grennd við Port au Prince á Haítí eru farnar að berast og benda þær til að eyðileggingin sé meiri þar en í höfuðborginni. Enn gengur erfiðlega að koma nauðsynlegum hjálpargögnum til íbúa Haítí en hundruð þúsunda hafa varla fengið vott né þurrt síðan á þriðjudag.

Búa sig undir verkefni dagsins

Íslenska björgunarsveitin á Haítí er nú að búa sig undir verkefni dagsins. Sveitin að öllum líkindum vinna í bæ um 40 kílómetra vestan við höfuðborgina Port au Prince en enn sem komið er hefur engin alþjóðleg björgunarsveit farið þangað. Bærinn stendur mun nær upptökum skjálftans en höfuðborgin og er það mat manna að þar hafi 80 til 90% bygginga hrunið í skjálftanum.

Mest lesið


Fleiri fréttir

Sjá meira


×

Mest lesið