Bændur handteknir fyrir brugg

Tveir bændur á sjötugsaldri voru handteknir í Hrunamannahreppi í gær vegna umfangsmikillar landaframleiðslu. Við leit á sveitabænum fundust um 800 lítrar af gambra og 100 lítrar af landa sem lögreglan segir 35% að styrkleika. Að auki fundust mikið magn tækja og tóla sem nauðsynleg eru til landaframleiðslu.

Í tilkynningu frá lögreglunni segir að ábúendurnar á bænum hafi áður orðið uppvísir af slíkri iðju. Þeir voru handteknir og yfirheyrðir á lögreglustöðinni á Selfossi og er rannsókn málsins á lokastigi.