Mikið svifryk í borginni

Styrkur svifryks fór yfir heilsuverndarmörk í gær í 27. sinn á árinu. Líklegt er að hann verði einnig yfir heilsuverndarmörkum í dag.

Klukkan 13.30 voru hálftímagildin 361 míkrógramm á rúmmetra í mælistöð við Grensásveg. Meðaltal frá miðnætti er 149 míkrógrömm. Heilsuverndarmörk á sólarhring eru 50 míkrógrömm.

Vindur þyrlar upp ryki í borginni og er búist við að vindstyrkurinn aukist í dag. Ef það snjóar í kvöld ætti að draga úr loftmengun. Líkur eru á að styrkur svifryks verði áfram hár á morgun. Hægt er að fylgjast með styrknum á vefmæli á reykjavik.is