Gríðarlega fjölmenn leit að Eric

Um það bil 80 lögreglumenn og björgunarsveitarmenn leita nú að Eric John Burton. Hann ætlaði að fara gangandi í hraðbanka um klukkan níu í gærkvöldi en skilaði sér aldrei til baka.

Hann er klæddur í rauðan og brúnan frakka, bláar gallabuxur og brúna skó. Hann er um 180 cm á hæð, grannur með grásprengt hár. Eric er ferðamaður á Íslandi og hefur verið hér á landi í nokkra daga. Hann hefur haldið til í húsbíl á bifreiðastæði við Háleitisbraut 103.

Eric er lungnasjúklingur og getur ekki gengið mikið án súrefnis að samkvæmt upplýsingum frá lögreglunni.

Ef einhver hefur upplýsingar um Eric er hægt að hringja í lögregluna í síma 444-1104.