Vill áhrif í ríkisstjórninni 11. mars 2010 06:45 Ögmundur Jónasson. Mynd/ Vilhelm. Ögmundur Jónasson vill að áhrifa hans gæti í stjórnarráðinu við ríkisstjórnarborðið og getur hugsað sér að taka sæti í stjórninni. Ekkert sé ákveðið hvort það gerist eða hvaða sæti hann taki, en hann hafi verið sáttur í heilbrigðisráðuneytinu. Hann segir mikið hafa áunnist varðandi Icesave og hann bíði ekki endalaust eftir samstöðu á þingi um málið. Því hefur verið slegið föstu, meðal annars á síðum Fréttablaðsins, að Ögmundur Jónasson sé á leið í ríkisstjórnina á ný. Hann sagði af sér embætti heilbrigðisráðherra í september vegna óánægju með höndlan stjórnarinnar á Icesave. Það mál er komið í annan farveg núna og Ögmundur segist hafa hug á að hafa áhrif á stefnu ríkisstjórnarinnar. „Það hefur náttúrulega alltaf legið á borðinu, allar götur frá því ég sagði af mér embætti heilbrigðisráðherra, að ég taldi mig knúinn til að ganga úr ríkisstjórninni. Það var ekki vegna þess að ég væri þess sérstaklega fýsandi að ganga þar út. Það hefur engin breyting orðið á þeim efnum. Ég vil að áhrifa minna og sjónarmiða gæti í stjórnarráðinu við ríkisstjórnarborðið og þar situr allt við hið sama. Því er ekki að leyna að innan VG hafa margir verið þessa hvetjandi lengi, en deilumálin sem tengjast Icesave hafa sett þarna strik í reikninginn. Sáttur í heilbrigðisráðuneytinuÖgmundur segir málið þó ekki komið á það stig að beint hafi verið rætt við hann. Hann viti þó að rætt hafi verið um uppstokkun í stjórnarráðinu. „Það hefur ekki verið rætt beint við mig, en mér er kunnugt um að það eru talsverðar hræringar í loftinu. Ég hef heyrt að fyrir hendi sé áhugi á að stokka eitthvað upp í stjórnarráðinu, en hvernig það verður gert er óljóst og það hefur ekki verið sest yfir það með mér."En ertu tilbúinn til að taka sæti í ríkisstjórn á ný? „Ég hef verið þeirrar skoðunar allar götur frá því ég sagði af mér. Ég gekk ekki brosandi úr stjórnarráðinu, ég sá mig knúinn til að gera það."Í hvaða ráðuneyti vildirðu helst fara? „Ég tel það ekki málum sérstaklega til framdráttar að vera með stífar yfirlýsingar um það í fjölmiðlum, en ég var bærilega sáttur í heilbrigðisráðuneytinu."Icesave þokast vel áframÖgmundur segir mikinn ávinning hafa unnist í Icesave-málinu og þar hafi samstaðan verið sterkasta vopn Íslendinga. Hann hefur þó áhyggjur af því að stjórnarandstaðan sé að hverfa af þeirri braut, en vonar að svo sé ekki.„Ég neita því ekki að í kjölfar þjóðaratkvæðagreiðslunnar gætti þess að fulltrúar stjórnarandstöðunnar vildu snúa þessu í þrönga flokkapólitík og húrra niður í gömlu hjólförin. Þegar sagt var að endurskoða þyrfti öll samningsmarkmið Íslands og um leið var sagt að ríkisstjórnin yrði að segja af sér, þá var augljóst að menn voru að tengja þetta tvennt; Icesave og líf ríkisstjórnarinnar. Það er einmitt þetta sem hefur verið þungamiðjan í mínum málflutningi, að krefjast aðskilnaðar þar á milli. Ef stjórnarandstaðan ætlar að fara í þennan ham þá er hún að stórskaða málstað Íslands og bregðast skyldum sínum gagnvart þjóðinni. Í mínum huga er það alveg augljóst að þverpólitísk aðkoma að málinu er til þess eins fallin að styrkja okkar samningsstöðu." Ögmundur segist bera fullt traust til samninganefndarinnar og það hafi allir flokkar á Alþingi gert. Meta verði afurðina sem komi frá nefndinni. „Þetta þóf allt hefur fært okkur gríðarlegan ávinning talinn í tugum milljarða og menn skildu varast að tala um slíkt af nokkurri léttúð. Einn milljarður er þegar allt kemur til alls eitt þúsund milljónir."Misnota ekki samstöðuÖgmundur telur mun bjartara yfir Icesave-málum en áður og að þjóðaratkvæðagreiðslan hafi verið mjög mikilvæg. Samninganefndin hafi byr í seglin í kjölfar hennar. En ef brestir eru að komast í samstöðuna, er hann þá tilbúinn til að afgreiða málið án aðkomu stjórnarandstöðunnar? „Samstaða er tæki til að ná árangri. Hún er ekki bara takmark í sjálfu sér. Ef þetta tæki er misnotað í þröngum flokkspólitískum tilgangi - og þá gegn sameiginlegum hagsmunum þjóðarinnar - þá er ég að sjálfsögðu ekki með í slíku ráðbruggi, nema síður sé. En ég ætla að gefa mér að okkur auðnist öllum að rísa yfir þrengstu og smæstu hagsmuni og ég ætla að gefa mér að við verðum samferða í þessu til enda, allir stjórnmálaflokkar á Íslandi." Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Áfall þegar samskipti Katrínar og Kára voru birt Innlent Óljóst hvort þyrlan sé fundin Erlent Þekkir dæmi um endalaus uppköst og garnalömun vegna lyfjanna Innlent „Fólk er bara að bíða“ Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Fleiri fréttir Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Sjá meira
Ögmundur Jónasson vill að áhrifa hans gæti í stjórnarráðinu við ríkisstjórnarborðið og getur hugsað sér að taka sæti í stjórninni. Ekkert sé ákveðið hvort það gerist eða hvaða sæti hann taki, en hann hafi verið sáttur í heilbrigðisráðuneytinu. Hann segir mikið hafa áunnist varðandi Icesave og hann bíði ekki endalaust eftir samstöðu á þingi um málið. Því hefur verið slegið föstu, meðal annars á síðum Fréttablaðsins, að Ögmundur Jónasson sé á leið í ríkisstjórnina á ný. Hann sagði af sér embætti heilbrigðisráðherra í september vegna óánægju með höndlan stjórnarinnar á Icesave. Það mál er komið í annan farveg núna og Ögmundur segist hafa hug á að hafa áhrif á stefnu ríkisstjórnarinnar. „Það hefur náttúrulega alltaf legið á borðinu, allar götur frá því ég sagði af mér embætti heilbrigðisráðherra, að ég taldi mig knúinn til að ganga úr ríkisstjórninni. Það var ekki vegna þess að ég væri þess sérstaklega fýsandi að ganga þar út. Það hefur engin breyting orðið á þeim efnum. Ég vil að áhrifa minna og sjónarmiða gæti í stjórnarráðinu við ríkisstjórnarborðið og þar situr allt við hið sama. Því er ekki að leyna að innan VG hafa margir verið þessa hvetjandi lengi, en deilumálin sem tengjast Icesave hafa sett þarna strik í reikninginn. Sáttur í heilbrigðisráðuneytinuÖgmundur segir málið þó ekki komið á það stig að beint hafi verið rætt við hann. Hann viti þó að rætt hafi verið um uppstokkun í stjórnarráðinu. „Það hefur ekki verið rætt beint við mig, en mér er kunnugt um að það eru talsverðar hræringar í loftinu. Ég hef heyrt að fyrir hendi sé áhugi á að stokka eitthvað upp í stjórnarráðinu, en hvernig það verður gert er óljóst og það hefur ekki verið sest yfir það með mér."En ertu tilbúinn til að taka sæti í ríkisstjórn á ný? „Ég hef verið þeirrar skoðunar allar götur frá því ég sagði af mér. Ég gekk ekki brosandi úr stjórnarráðinu, ég sá mig knúinn til að gera það."Í hvaða ráðuneyti vildirðu helst fara? „Ég tel það ekki málum sérstaklega til framdráttar að vera með stífar yfirlýsingar um það í fjölmiðlum, en ég var bærilega sáttur í heilbrigðisráðuneytinu."Icesave þokast vel áframÖgmundur segir mikinn ávinning hafa unnist í Icesave-málinu og þar hafi samstaðan verið sterkasta vopn Íslendinga. Hann hefur þó áhyggjur af því að stjórnarandstaðan sé að hverfa af þeirri braut, en vonar að svo sé ekki.„Ég neita því ekki að í kjölfar þjóðaratkvæðagreiðslunnar gætti þess að fulltrúar stjórnarandstöðunnar vildu snúa þessu í þrönga flokkapólitík og húrra niður í gömlu hjólförin. Þegar sagt var að endurskoða þyrfti öll samningsmarkmið Íslands og um leið var sagt að ríkisstjórnin yrði að segja af sér, þá var augljóst að menn voru að tengja þetta tvennt; Icesave og líf ríkisstjórnarinnar. Það er einmitt þetta sem hefur verið þungamiðjan í mínum málflutningi, að krefjast aðskilnaðar þar á milli. Ef stjórnarandstaðan ætlar að fara í þennan ham þá er hún að stórskaða málstað Íslands og bregðast skyldum sínum gagnvart þjóðinni. Í mínum huga er það alveg augljóst að þverpólitísk aðkoma að málinu er til þess eins fallin að styrkja okkar samningsstöðu." Ögmundur segist bera fullt traust til samninganefndarinnar og það hafi allir flokkar á Alþingi gert. Meta verði afurðina sem komi frá nefndinni. „Þetta þóf allt hefur fært okkur gríðarlegan ávinning talinn í tugum milljarða og menn skildu varast að tala um slíkt af nokkurri léttúð. Einn milljarður er þegar allt kemur til alls eitt þúsund milljónir."Misnota ekki samstöðuÖgmundur telur mun bjartara yfir Icesave-málum en áður og að þjóðaratkvæðagreiðslan hafi verið mjög mikilvæg. Samninganefndin hafi byr í seglin í kjölfar hennar. En ef brestir eru að komast í samstöðuna, er hann þá tilbúinn til að afgreiða málið án aðkomu stjórnarandstöðunnar? „Samstaða er tæki til að ná árangri. Hún er ekki bara takmark í sjálfu sér. Ef þetta tæki er misnotað í þröngum flokkspólitískum tilgangi - og þá gegn sameiginlegum hagsmunum þjóðarinnar - þá er ég að sjálfsögðu ekki með í slíku ráðbruggi, nema síður sé. En ég ætla að gefa mér að okkur auðnist öllum að rísa yfir þrengstu og smæstu hagsmuni og ég ætla að gefa mér að við verðum samferða í þessu til enda, allir stjórnmálaflokkar á Íslandi."
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Áfall þegar samskipti Katrínar og Kára voru birt Innlent Óljóst hvort þyrlan sé fundin Erlent Þekkir dæmi um endalaus uppköst og garnalömun vegna lyfjanna Innlent „Fólk er bara að bíða“ Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Fleiri fréttir Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Sjá meira