Skýrsla Magmanefndar fyrst kynnt þingflokkum

Skýrsla nefndarinnar sem falið var að meta lögmæti kaupa Magma Energy á HS Orku var kynnt á ríkisstjórnarfundi í morgun. Samkvæmt upplýsingum fréttastofu verður niðurstaðan kynnt þingflokkunum áður en hún verður gerð opinber, en ekki liggur fyrir hvort það verður í dag eða síðar.

Ríkisstjórnin kynnti í lok júlí þann ásetning að vinda ofan af einkavæðingu í orkugeiranum og tryggja að orkufyrirtæki séu í eigu opinberra aðilar.

Forsætisáðherra skipaði síðan Magma nefndina en hlutverk hennar er að rannsaka einkavæðingaferli Hitaveitu Suðurnesja og gera lögfræðilega úttekt á lögmæti þess að Magma Energy keypti HS Orku í gegnum dótturfyrirtæki í Svíþjóð. Nefndin átti upphaflega að skila fyrstu niðurstöðum fyrir miðjan ágúst en fékk nokkurra vikna frest.