Öllum umsækjendum hafnað í Skagafirði

Öllum þeim 17 umsækjendunum sem sóttu um stöðu sveitarstjóra hjá sveitarfélaginu Skagafirði hefur verið hafnað af hálfu meirihlutans samkvæmt fréttavef Feykis. Það segir að leit sé hafin að nýju að sveitarstjóraefni.

Öllum umsækjendum hefur verið sent bréf þar sem þetta er tilkynnt og jafnframt tilgreind ástæða þessarar ákvörðunar sem byggist á mikilvægi þess að samstaða sé góð í meginatriðum innan sveitarstjórnar um þann aðila sem ráðinn er til starfans og að eftir ítarlega yfirferð hafi þótt sýnt að ekki næðist sátt um ráðningu aðila úr hópi umsækjenda.

Í framhaldi af ofangreindri ákvörðun hefur því aftur hafist leit að sveitarstjóraefni og mun verða tilkynnt um niðurstöðu þegar hún liggur fyrir.

Hér má lesa frétt Feykis um málið.