Ráðið frá sjósundi vegna hættu á saurgerlamengun

Heilbrigðiseftirlit Reykjavíkur ráðleggur sjósundsfólki að fara ekki í sund í Nauthólsvík dagana 27.- 29. september. Ástæðan er möguleg saurgerlamengun vegna viðgerða á dælustöð fráveitukerfisins við Hafnarbraut í Kópavogi.

Viðgerðir á dælustöð fráveitukerfisins við Hafnarbraut í Kópavogi standa yfir dagana 27.-28. september og skapar það hættu á að saurgerlamengun í sjó verði yfir viðmiðunarmörkum á framkvæmdatíma og einum degi betur.

Heilbrigðiseftirlitið í Reykjavík vill af þessum sökum ráðleggja fólki frá því að fara í sjósund í Nauthólsvík þessa þrjá daga.