Starfsmenn Íbúðarlánasjóðs lýsa yfir stuðningi við umsókn Ástu

Starfsmenn Íbúðalánasjóðs lýsa yfir fullum stuðningi við umsókn Ástu H. Bragadóttur um starf framkvæmdastjóra Íbúðalánasjóðs og harma þá ákvörðun hennar að draga umsókn sína til baka samkvæmt tilkynningu sem þeir sendu á fjölmiðla upp úr hádegi.

Þá sagði einnig í tilkynningunni að starfsmenn hefðu þær upplýsingar að Ásta hefði notið stuðnings meirihluta stjórnar Íbúðalánasjóðs.

Ásta hafði sótt um starf framkvæmdastjóra en dró umsóknina til baka eftir að stjórn sjóðsins skipaði þriggja manna valnefnd til að fara yfir hæfni umsækjenda. Það gerði stjórnin að áeggjan Árna Páls Árnasonar félagsmálaráðherra, sem segir málið hins vegar algerlega vera á forræði stjórnarinnar.

Erfiðlega hefur gengið á ná samstöðu í stjórn Íbúðalánasjóðs um ráðningu nýs forstjóra sjóðsins en stjórnin er skipuð tveimur fulltrúum Sjálfstæðisflokks, tveimur frá Framsóknarflokki og einum frá Samfylkingunni.

Tilkynningu starfsmanna má lesa hér fyrir neðan.