Bo á Akureyri um helgina

„Ég mun taka úrval af lögunum mínum sem ég hef hljóðritað í gegnum tíðina," svarar Björgvin Halldórsson sem spilar með hljómsveitinni VON á Vélsmiðjunni á Akureyri næsta laugardag.

„Ég hef nokkrum sinnum spilað sem gestur með þessum strákum. Fín hljómsveit," bætir hann við.

Á að skella sér á skíði í leiðinni? „Ég hef aldrei komið á skíði á ævinni og mun ekki byrja núna. En Akureyrarbær er sjarmerandi bær eins og Hafnarfjörður og hefur upp á margt að bjóða," svarar Björgvin.

„Ég mun ekki hafa tíma til að slappa af mikið en mun njóta hverrar mínútu."