Japanir boða hvalveiðiþjóðir til fundar

Japönsk stjórnvöld hafa boðið hvalveiðiþjóðum til fundar í nóvember til þess að efla samstöðuna um að taka upp hvalveiðar í atvinnuskyni að nýju. Um 40 þjóðum hefur verið boðið til fundarins og eru Íslendingar og Norðmenn á meðal þeirra sem fengið hafa fundarboð.

Á síðasta ársfundi Alþjóðahvalveiðiráðsins var reynt að koma því í gegn að takmarkaðar hvalveiðar í atvinnuskyni yrðu leifðar að nýju en þeirri afgreiðslu tillögunnar var frestað til næsta fundar. Í millitíðinni vilja Japanir þjappa þjóðum sem styðja tillöguna, betur saman.