Gorillaz bjarga Bono-veseni Glastonbury

Framkvæmdastjóri tónlistarhátíðarinnar Glastonbury tilkynnti rétt í þessu að það verði hljómsveit Damon Albarn, Gorillaz, sem treður upp á píramídasviði hátíðarinnar á aðaltónleikum hátíðarinnar á föstudagskvöldinu.

Eftir að Bono var drifinn í uppskurð í München fyrir helgi afboðaði U2 tónleika sína á hátíðinni. Þeirra hafði verið beðið með eftirvæntingu, enda hefur U2 ekki spilað á tónleikahátíð í 25 ár.

U2 ætlaði að tjalda öllu sínu, sem er nú ekkert smáræði, og sagði Bono að sveitin hefði jafnvel samið nýtt lag fyrir Glastonbury. Það er því engin smápressa á Damon og félögum en miðað við viðtökurnar sem þeir hafa fengið síðustu ár ættu þeir að standa undir þeim.