Kynningarstjóri með hroka

Gunnar I. Birgisson, bæjarfulltrúi í Kópavogi, sakar Örnu Schram, kynningarfulltrúa bæjarins, um „ótrúlegan hroka" í svari hennar við fyrirspurn hans um heimasíðu bæjarins.

Í svari sínu við fyrirspurn Gunnars víkur Arna meðal annars að upplýsingaborða á heimasíðunni. „Hafi einhver hins vegar velkst í vafa um að hægt væri að smella á borðann til að sjá niðurstöðurnar hefur verið hnykkt á því í fyrirsögn svo það fari ekki á milli mála," segir í svari kynningarfulltrúans. - gar