Opnunartímar á gamlársdag

Langflestir stórmarkaðir hafa opið fyrri part dags í dag, en lokað á morgun, nýársdag. Undantekningar þar á eru verslanir 10-11 og sólarhringsverslanir Hagkaupa, sem allar eru opnar til klukkan sex í kvöld, og opna ýmist í nótt eða á morgun á nýja árinu.

Verslanir ÁTVR á höfuðborgarsvæðinu eru opnar til klukkan eitt í dag, en ýmist til hádegist eða eitt á landsbyggðinni. Allar vínbúðir eru lokaðar á morgun.

Apótek eru opin fyrri part dags en lokuð á nýársdag. Undantekningar eru lyfverslanir Lyfju í lágmúla og Smáratorgi sem opnar eru til sex í kvöld og til miðnættis á morgun.