Heróínið hentaði Slash

Slash, fyrrum gítarleikari Guns N"Roses, segist hafa notað heróín á árum áður vegna þess að það hæfði persónuleika hans.

„Heróin passaði fullkomlega við persónuleika minn,“ sagði Slash. „Allir aðrir voru að nota kókaín og spítt sem gerði þá sem voru ofvirkir enn þá ofvirkari. Hvað mig varðar þá gerði heróínið mig hæglátari og ég lokaði mig meira af. Það var mín leið til að flýja í burtu,“ sagði hann.

„Ég sé ekki eftir neinu enda trúi ég ekki á eftirsjá. En ég fór í meðferð í einn mánuð eftir þetta tímabil og mig hefur ekki langað í eiturlyf síðan. Ég hætti bara öllu og núna líður mér mjög vel.“