Lagastofnun Háskóla Íslands fundar um gengisdóm

Í kjölfar nýfallins dóms Hæstaréttar um vexti af gengistryggðum lánum efnir Lagastofnun Háskóla Íslands og Orator, félag laganema við Háskóla Íslands efna til opins fundar um dóminn. Verður hann á mánudaginn nk, 20. september kl. 12:00 í Hátíðarsal Háskóla Íslands.

Óvissa hefur verið um vaxtakjör, frá því Hæstiréttur kvað upp dóma sína um ólögmæti gengisbindingar bílalána. Nú hefur verið skorið úr þeirri réttaróvissu.

- Hvaða þýðingu hefur dómurinn og hvert er fordæmisgildi hans varðandi aðra lánasamninga?

- Að hvaða marki getur löggjafinn látið sig varða réttarágreining um gengistryggð lán?

Um þessi og fleiri álitamál verður fjallað á fundinum.

Framsögumenn:

Eyvindur G. Gunnarsson lektor við Lagadeild Háskóla Íslands Benedikt Bogason dósent við Lagadeild Háskóla Íslands

Fundarstjóri er Róbert R. Spanó prófessor og deildarforseti Lagadeildar Háskóla Íslands.