Leiðbeina aðstandendum geðsjúkra

Aðstandendur geðsjúkra vita ekkert hvert þeir eiga að leita eftir stuðningi og ráðgjöf, segir Kristín Tómasdóttir ráðgjafi hjá Geðhjálp.

Samtökin ætla að bæta úr þessu og munu koma á fót stuðningshópum fyrir aðstandendur geðveikra. Af því tilefni verður sérstakur fræðslufundur haldinn í húsnæði Geðhjálpar á Túngötu 7 klukkan átta i kvöld. „Þetta er svar okkar við mikilli eftirspurn eftir stuðningi við aðstandendur," segir Kristín.

Á fundinum mun Auður Axelsdóttir , forstöðumaður Geðheilsu-eftirfylgd og Hugaraflskona, meðal annars flytja erindi sem hún byggir á starfi sínu með aðstandendum geðveikra.