Barnaspítalasjóður Hringsins fær ekki arfinn

Hæstiréttur staðfesti í dag niðurstöðu Héraðsdóms Reykjavíkur frá því í júlí í deilu um arf til Barnaspítalans. Landspítalinn fær arfinn samkvæmt erfðaskrá.

Barnaspítalasjóður Hringsins stefnti Landspítalanum vegna ágreinings um arf en upphaf málsins má rekja til þess að kona ánafnaði Barnaspítalanum eignir. Þegar skipta átti upp búinu samkvæmt erfðarskrá hennar kom hins vegar upp ágreiningur um hvort Barnaspítalasjóður Hringsins sem er í umsjá mannúðarfélags Hringsins ætti ráðstafa eigninni eða hvort því ætti að vera ráðstafað af Landspítalanum.

Niðurstaða dómstóla er sú að Landspítalinn fær arfinn til umráða.