Fjölmörg innbrot á höfuðborgarsvæðinu

Ýmsum verðmætum var stolið í innbrotafaraldri á höfuðborgarsvæðinu í nótt. Greiðsluposa var stolið úr húsnæði Krabbameinsfélagsins við Skógarhlíð, en þá mun vera hægt að nota til að svíkja út fé. Einhverjum verðmætum var stolið úr bílum í Garðabæ og Breiðholti. Veiðibúnaði og verkfærumn var stolið úr geymslu í húsi í Seláshverfi, auk barnavagns, sem þjófurinn hefur að líkindum notað til að flytja þýfið á brott. Loks braust þjófur inn í fyrirtæki í Hálsahverfi og stal þaðan fartölvu. Ræstingamaður kom að honum, fylgdi honum eftir á hlaupum af vettvangi, en var í símasambandi við lögreglu og gat vísað henni á þjófinn, sem var gripinn.