Leitað að handritum

Forlagið og Verðlaunasjóður íslenskra barnabóka auglýsa eftir handritum að skáldsögu fyrir börn og unglinga í samkeppni um Íslensku barnabókaverðlaunin.

Samkvæmt upplýsingum frá aðstandendum verðlaunanna á sagan að vera að lágmarki 50 blaðsíður að lengd, ekki er gert ráð fyrir því að bókin sé myndskreytt en skilafrestur er til 1. febrúar. Dómnefnd velur besta handritið en ráðgert er að bókin komi út haustið 2010.

Verðlaunin í keppninni eru 500.000 krónur og höfundarlaun.Handritum skal skila í fjórriti til: Verðlaunasjóður íslenskra barnabóka / Forlagið / Bræðraborgarstíg 7 / 101 Reykjavík. Handrit á að merkja með dulnefni en rétt nafn fylgir með í umslagi.