Tólf umferðaróhöpp á tveimur tímum

Fimmtán umferðaróhöpp hafa orðið á höfuðborgarsvæðinu í dag. Þar af hafa tólf orðið síðan klukkan hálfsex í kvöld. Sem betur fer hafa ekki orðið slys á fólki. Gríðarleg hálka er á götum borgarinnar, ekki síst í úthverfum. Flest umferðaróhöppin hafa orðið í austurhluta borgarinnar en það er full ástæða til að hvetja vegfarendur til þess að fara varlega.

Vegagerðin segir að hálkublettir séu á leiðum í kringum Reykjavík, á Kjalanesi , Reykjanesbraut og Grindavíkurvegi. Einnig eru hálkublettir á Sandskeiði, Hellisheiði og Þrengslum.

Á Vesturlandi er hálka og snjókoma á Holtavörðuheiði og hálkublettir og snjókoma á Bröttubrekku. Hálkublettir og éljagangur er á flestum leiðum á Snæfellsnesi en hálka og skafrenningur á Fróðárheiði.

Á Vestfjörðum er snjóþekja og éljagangur á Djúpvegi, hálka er á Steingrímsfjarðarheiði og áþæfingsfærði á Þröskuldum. Ófært er um Hrafnseyrarheiði og Dynjandisheiði. Hálka, snjóþekja og éljagangur er á láglendi. Snjóþekja og snjókoma er á heiðum á sunnanverðum Vestfjörðum.

Á Norðurlandi eru hálka, snjóþekja, skafrenningur og éljagangur. Hálka er á Vatnsskarði og á Þverárfjalli. Snjóþekja og éljagangur er á Siglufjarðarvegi. Hálka og éljagangur er á Öxnadalsheiði og Víkurskarði.

Á Austurlandi er snjóþekja og snjókoma á Fjarðarheiði og Vopnafjarðarheiði. Þæfingsfærð er á Vatnsskarði eystra. Hálkublettir eru á Oddskarði. Þungfært er á Öxi og á Breiðdalsheiði.