Landgræðsluverðlaunin afhent

Landgræðsluverðlaunin voru veitt í dag við hátíðlega athöfn í Gunnarsholti. Verðlaunin að þessu sinni hlutu Ársæll Hannesson, Hermann Herbertsson, Ingólfur Helgason og Unnur Sveinbjörnsdóttir, Sandgerðisbær og Þjórsárskóli.

Landgræðsluverðlaunin eru veitt einstaklingum,félagasamtökum og skólum sem unnið hafa að landgræðslu og landbótum. Með verðlaununum vill Landgræðslan vekja athygli á því mikilvæga starfi sem áhugafólk vinnur um land allt. Það var Hafdís Gísladóttir, aðstoðarmaður umhverfisráðherra, sem afhenti verðlaunin fyrir hönd umhverfisráðherra.