Yfirheyrslur í allan dag vegna Glitnisrannsóknar

Yfirheyrslur hafa staðið yfir í allan dag vegna rannsóknar á málefnum tengdum Glitni banka.

Eins og fram hefur komið fóru umfangsmiklar aðgerðir af hálfu sérstaks saksóknara fram á þriðjudaginn með húsleitum hjá mörgum af fyrrverandi stjórnendum og eigendum bankans. Þeirra á meðal eru Lárus Welding og Jón Ásgeir Jóhannesson.

Ólafur Þór Hauksson, sérstakur saksóknari, vildi ekki segja frá því hvaða menn hafa verið yfirheyrðir í dag. Samkvæmt heimildum Vísis eru þrír núverandi starfsmenn Íslandsbanka farnir í leyfi á meðan að rannsókn málsins er á þessu stigi.