Reykjavíkurborg kaupir Ísaksskóla

Borgarráð samþykkti í dag heimild Reykjavíkurborgar til þess að kaupa fasteignir Skóla Ísaks Jónssonar fyrir tæpar 292 milljónir króna. Kaupverðið er greitt með yfirtöku á áhvílandi skuldum sem nema tæplega 254 milljónum króna og fjármögnun nauðsynlegra viðhaldsframkvæmda

Í fundargerð borgarráðs kemur fram að skólinn muni njóta kaupréttar á fasteignunum á sama raunverði að fimm árum liðnum enda stefni skólinn að því að starfa í eigin húsnæði þegar náðst hafa betri tök á fjármálum skólans. Fyrir liggur fjárhagsáætlun 2010 og drög að áætlun 2011. Borgarráð samþykkir jafnframt að heimila framkvæmda- og eignasviði að leigja Skóla Ísaks Jónssonar fasteignirnar.