Gríðarmikið svifryk yfir Akureyrarbæ

Gríðarmikið svifryk var yfir Akureyrarbæ og nágrenni síðdegis í gær og um tíma mældist það rösklega tvöfalt meira en á höfuðborgarsvæðinu.

Veðurstofan rekur svifrykið fyrir norðan til svæðisins á milli Öskju og Dyngjujökuls, nærri upptökum Jökulsár á fjöllum, en þar er jörð orðin mjög þurr.

Svifrykið á höfuðborgarsvæðinu átti hinsvegar upptök af gossvæðinu í Eyjafjallajökli, en töluvert dró úr vindi þar í nótt og vætu er spáð í dag, sem væntanlega heftir frekara fok.