Kókaínsmyglarar áfram í gæsluvarðhaldi

Hæstiréttur staðfesti í dag gæsluvarðhaldsúrskurð yfir tveimur mönnum sem fundnir voru sekir um stórfelldan fíkniefnainnflutning í sumar.

Mennirnir, þeir Davíð Garðarsson og Guðlaugur Agnar Guðmundsson, voru báðir dæmdir í fjögurra og hálfs árs fangelsi fyrir aðild að smygli á 1,6 kílói af kókaíni. Þrír aðrir voru dæmdir í málinu. Þeir Davíð og Guðlaugur áfrýjuðu málinu til Hæstaréttar.

Ríkissaksóknari fór frammá að þeir yrðu hafðir í gæsluvarðhaldi á meðan að málið væri til meðferðar fyrir Hæstarétti Íslands. Héraðsdómur Reykjavíkur féllst á þá kröfu og nú hefur Hæstiréttur staðfest hana.