Innlent

Björgvin G. fór á pönktónleika eftir fund með Darling

Þorbjörn Þórðarson skrifar
Karl Th. Birgisson, fyrrverandi framkvæmdastjóri Samfylkingarinnar og vinur Björgvins sem var honum innan handar við gerð bókarinnar, og Björgvin sjálfur með bókina góðu í útgáfuhófi á BSÍ.
Karl Th. Birgisson, fyrrverandi framkvæmdastjóri Samfylkingarinnar og vinur Björgvins sem var honum innan handar við gerð bókarinnar, og Björgvin sjálfur með bókina góðu í útgáfuhófi á BSÍ.

Baldur Guðlaugsson, fyrrverandi ráðuneytisstjóri í fjármálaráðuneytinu, tróð sér ekki í Lundúnaferðina á fund með Alistair Darling. Eftir fundinn með Darling fór Björgvin G. Sigurðsson, þáverandi viðskiptaráðherra, á tónleika með pönksveitinni Sex Pistols.

Þetta kemur fram í nýrri bók Björgvins, Storminum. Björgvin, sem helgar einum kafla bókarinnar fundinum með Alistair Darling, segir að látið hafi verið að því liggja að Baldur, fyrrverandi ráðuneytisstjóri sem nú hefur verið ákærður fyrir innherjasvik, hafi troðið sér í ferðina, en fundurinn frægi með Darling var í Lundúnum hinn 2. september 2008.

Björgvin segir að Geir H. Haarde, þáverandi forsætisráðherra, hafi haft samband við sig og óskað eftir því að Baldur færi á fundinn sem fulltrúi Árna Mathiesen, fjármálaráðherra.

Darling var „flaumósa og tættur"

Björgvin segir fundinn með Darling, sem var skipulagður af honum og ráðuneyti hans, hafi verið mun styttri en menn geri sér grein fyrir miðað við umfjöllun fjölmiðla um hann. Breski fjármálaráðherrann hafi verið „flaumósa og tættur enda í pólitískum barningi á heimavígstöðvunum." Þá segist Björgvin hafa upplifað fundinn eins og Darling væri annars hugar. Björgvin segir niðurstöðu fundarins hafa verið að Landsbankinn héldi áfram í samvinnu við breska fjármálaeftirlitið, FSA, að flytja innstæður á Icesave í dótturfélag. Hvorki á þeim fundi né öðrum hafi komið fram að ríkið þyrfti að leggja fram tryggingar til af þessum flutningi gæti orðið. Björgvin segir að einn dapurlegasti kaflinn í útrásarsögunni og aðdraganda hrunsins sé að ekki hafi tekist að færa starfsemi Landsbankans yfir í dótturfélag.

Björgvin segir að eftir fundinn með Darling hafi hann, Jón Þór Sturluson, aðstoðarmaður hans og Áslaug Árnadóttir, skrifstofustjóri í viðskiptaráðuneytinu, farið um kvöldið á tónleika með hinni sögufrægu pönksveit Sex Pistols með Johnny Rotten í fararbroddi í Hammersmith Odeon. Jón Sigurðsson, þáverandi stjórnarformaður FME, mun ekki hafa þegið boð um að koma með.






Tengdar fréttir

Geir vildi að Björgvin bæri ábyrgð á neyðarlögunum

Geir H. Haarde, þáverandi forsætisráðherra, vildi að Björgvin G. Sigurðsson, þáverandi viðskiptaráðherra, flytti frumvarp til hinna umdeildu neyðarlaga hinn 6. október 2008, en því var harðlega andmælt af öðrum ráðherrum, þ.á.m Össur Skarphéðinssyni. Össur taldi fráleitt að ungur fagráðherra tæki slíka pólitíska sprengju að sér og úr varð að Geir flutti frumvarpið en ávarpaði þjóðina fyrst. Þetta kemur fram í nýrri bók Björgvins G. Sigurðssonar.

Myndir úr útgáfuteiti Björgvins

Björgvin G. Sigurðsson, fyrrverandi viðskiptaráðherra, hélt útgáfuteiti á Umferðarmiðstöðinni í gær í tilefni af útkomu bókarinnar Stormurinn - Reynslusaga ráðherra. Bókin fjallar um ráðherraferil Björgvins og aðdragandann að hruni fjármálakerfisins á Íslandi. Fjöldi gesta var í útgáfuteitinu og Stefán Karlsson, ljósmyndari Fréttablaðsins, smellti af nokkrum myndum.

Björgvin G: Icesave í Hollandi ömurlegt hneyksli

Icesave-ævintýri Landsbankans í Hollandi er hneyksli og einn ömurlegasti hluti af starfsemi bankanna undir lokin segir Björgvin G. Sigurðsson fyrrverandi viðskiptaráðherra. Hann segist ekki hafa vitað af reikningunum í Hollandi fyrr en mörgum mánuðum eftir opnun þeirra.

Mest lesið


Fleiri fréttir

Sjá meira


×

Mest lesið