Yfirlýsing frá Stoðum hf

Stoðir hf. hafa sent frá sér yfirlýsingu þar sem þeir segjast vilja leiðrétta misskilning sem rekja megi til tilkynningar sérstaks saksóknara um húsleitir sem fram fóru í dag.

Í tilkynningunni er tilgreint að eitt mála til rannsóknar hjá embætti sérstaks saksóknara lúti að "lánveitingum til Stoða hf (síðar Landic Properties), Baugs hf og 101 Capital ehf í tengslum við kaup á danska fasteignafélaginu Keops A/S." Stoðir hf. vilja árétta að hér er ekki um Stoðir hf. að ræða, heldur Fasteignafélagið Stoðir hf. sem síðar fékk heitið Landic Property.

Í tilkynningu segir að Sérstakur saksóknari hafi staðfest að rannsóknin beinist ekki að Stoðum hf. Embætti sérstaks saksóknara hafi lagt hald á tiltekin gögn á skrifstofu félagsins í dag, en þau gögn tengist ekki starfsemi Stoða hf í núverandi mynd.